شموس الإبداع - مجلة الثقافة والأدب

سَمْعَِاتْني كْلامْ ما بْحَالو كْلامْ
حِيت  قابلْتْها
وَانا غارق في لَحْلامْ
نْزَل  على  صَدري
بحال  رحمة  ربِّي

كَتْوشوشْ  لي في  وَذْني
وَشوشاتْ .. مْعَ الشَّطحات
غْناها  طْرَبني..
دَاوَا  عْذابي..

كَتَهْديني  قُبْلات
بطعم الوَحْشْ فْ ظْلام
دَفَّاتْني .. سَكْراتني..
خَلاَّت ضْلوعي كَتغزلْ
رَعْشات .. فْ  قلبي

طَيْحَتني  ف  عشقها
دَوْخَتني بْهاد لْحَلماتْ
السَّهرَة  طَوْلات
لْكلام  حْلو
والسْما قَرْبات
لَسْحابي

قَطرة  وْرا  قَطرة
وَلْعين  ليها نَظْراتْ
ذَوَّب ْ لَحْجَرْ
وَتشقَّقْ صْخَرْ عْويناتْ
تَرْوي جُوفي
هِي شْرابي

خالد بن مبارك خداد250518